සයපෙති කුසුම චිත්‍රපටය ප්‍රදර්ශණය

සයපෙති කුසුම චිත්‍රපටය ප්‍රදර්ශණය සහ විචාරය 2016.12.05 වන දින සවස 6.30ට සමාජ විද්‍යා හා භාෂා පීඨ ශ්‍රවණාගාරයේදී...

සයපෙති කුසුම චිත්‍රපටයේ ප්‍රචාරක වීඩියෝව.

අධ්‍යාපන අනුකමුටුව
මහා ශිෂ්‍ය සංගමය
ශ්‍රී ලංකා සබරගමුව විශ්වවිද්‍යාලය

දැනුමේ අයිතිය කාගෙද?.. 

ඔහු නමින් "රොබ් කෝල් "ය.පිය රැකවරනය අහිමි දුගී පවුලක වැඩිමහල් පිරිමි දරුවා වන ඔහු තම බාල සොහොයුරන්  සමග තවදුරටත් අසරණ වන්නේ  ඔහුගේ මව හදිස්සියේ ඇති  වූ අතුරු ආබාධයකින් මියයාම නිසාය.ඉන් පසු තම බාල සහෝදරයන් දෙදෙනා නිවසේ බඩු බාහිර ආදියද සමග  පුද්ගලයෙකු විසින් කැදවාගෙන යන අතර රොබ් කෝල්ට  එහි යාමට නොහැකි වන්නේ ඔහු තරමක් වඩිමහල් කොලු ගැටයෙක් වීම නිසාය.එසේ තවදුරටත් තනි වන ඔහු රැකවරනය පතා යන්නේ බාබර් කෙනෙකු (එවකට එංගලක්තයේ සිටි වෛද්‍යයවරයෙක්) වෙතටය.එහිදී ඔහු රෝගීන් සුවපත් කිරීම වෙනුවෙන් දැඩි කමැත්තකින් හා වෛද්‍ය විද්‍යාව පිලිබදව  කුතුහලයෙකින් යුතුව එහිදී කටයුතු කරයි.නමුත් තව දුරටත් එංගලන්තයේ තිබූ නොදියුනු  වෛද්‍ය දැනුම  ඔහුට ප්‍රමාණවත් වන්නේ නැත.ඒනිසාම ලෝකයේ අනෙක් කෙළවරේ ඇති පර්සියාවට යාමට ඔහු දැඩි තීරණයක් ගනු ලබයි.එය එතරම් සුමට වූ ගමනක් නොවේ.දිගු කාලයක් තිස්සේ බරපතල ජීවිත අවධානමක් සහිත ගමන ඔහු අවසන් කරන්නේ කෙසේ හෝ ඔහුගේ ඉලක්කය සම්පුර්ණ කරගෙනය.එවකට ප්ර්සියාව  තුළ තිබුනේ දැඩි ආගමික මතධාරින් විසින් ජනතාවගෙ මතවාදයන් හසුරවමින් තිබුනු වටපිටාවකි.ඒ නිසාම මිත්‍යාවට එරෙහිව විද්‍යාව  ඉගැන්වූ ඉබන්සිනා ප්‍රධානතුමාගේ  විශ්වවිද්‍යාලට එරහිව පල්ලියෙන් දැඩි විරෝධයක් ගොඩනංවමින් තිබුනි. කෙසේ වුවත් රොබ් කෝල් ඔහුගෙ උත්සහය අතහැරියේ  නැත.සියලු බලපෑම් හමවේ එවකට වෛද්‍ය විද්‍යාවේ සීමා අතික්‍රමනය  කරන ඔහු රුධිර සංසරණ පද්ධතිය පිලිබද නව සොයා ගැනීමක් සිදු කරන ලදී.

 මේ The physician චිත්‍රපටයේ සරල අදහසයි.නමුත් එම සරල අදහසට එහා ගිය දැනුමේ අයිතිය පිලිබද  පුලුල් සාකච්චාවක් වර්ථමාන සමාජයේ වට්පිටාවත් සමග මෙම චිත්‍රපටය හරහා  අප හට  ගොඩනගා ගත හැකිය.ප්‍රාග්ධනයෙ ආධිපත්‍ය යටතේ මෙහෙයවන  සමාජක්‍රමයක් තුළ සියලු දේ විකිණෙන්නේ  ඒවාට පෞද්ගලික අයිතියක් ආරූඩ කරගනිමිනි.ගුරුවරයා තම දැනුම ටියුෂන් පංතියෙදි මුදලට විකුණනේද,කලාකරුවා  කලාවට මිලක් නියම කරන්නේද, වෛද්‍යවරයා මුදලට රෝගීන් හට බෙහෙත් ලබාදෙන්නේද  ඔවුන් සතු දැනුමේ සමාජීය අයිතිය අමතක කර දමමිනි.නමුත් පවතින ක්‍රමය විසින් මෙම කාරණය අමතක කර ලාබය වෙනුවෙන් කටයුතු කිරීමට මේ සියලු ක්ෂේත්‍රයන්ට බල කරන  බවත් අප අමතක නොකල යුතුය.අධ්‍යාපනය යනු ඉතිහාසය පුරාවට එකතු කරගත් දැනුම අනාගතයට සම්ප්‍රේශනය කිරීමයි.එබැවින් කෙනෙකු එය තම පුද්ගලික දේපලක් යැයි සිතා පටු උවමානවන් වෙනුවෙන් යොදා ගැනීම කිසිවිටකත් අනුමත කල නොහැක.අධ්‍යාපනය අයිතියක් විකිනීමට නොවේ යනුවෙන්  නිදහස් අධ්‍යාපනය දිනාගැනීමේ අරගලයෙදි ශිෂ්‍ය ව්‍යාපාරය  මූලික සටන් පාඨයක් නියෝජනය කරයි.අප එය එසේ කියන්නේ  දැනුමේ අයිතිය සමාජීයයි යන පදනමේ සිටය.එබැවින් මාලබේ සයිටම් උපාධිකඩ හරහා සිදුකරනුයේ The physician  චිත්‍රපටයෙහි රොබ් කෝල් වැනි සුවහසක් මිනිසුන්  ජීවිත පවා කැපකර ගොඩනැගූ දැනුම  තනි සුඛවිහරනය වෙනුවෙන් යොදා ගැනීමයි.

නව ලිබරල් ආර්ථික ක්‍රමය තුළ සමාජීය අයිතීන් ජනතාවගෙන් අනුකම්පා විරහිතව උදුරාගෙන ඇත.එබැවින්  දැනුමේ අයිතිය නැවතත් පොදු සමාජය වෙත අත්පත් කර ගැනීම අනිවාර්‍ය කාරනයකි.ඒසදහා සාමූහික අරගලයක් අප ඉදිරියේ ඇත.

The Physician (භෞතික වෛද්‍යවරයා) චිත්‍රපටය මෙතනින් බලන්න.